जहाँ छन् बुद्धका आँखा ,स्निग्ध शान्त र सुन्दर
त्यहाँ छ शान्तिको क्षेत्र, मेरो राष्ट्र मनोहर
प्राणभन्दा प्यारो लाग्छ, मेरो देश कता कता
छल्किन्छ ममता मेरो, भाव गंगा जता जता
माया नेपालको लाग्छ, नेपाली इतिहासको
माया प्रकृतिको लाग्छ, कला भाषा र भेषको
पुर्खाको मन्त्र यो जप्छु, चौतारीमा बसी
जननी जन्म भुमिस्च, स्वर्गादपि गरियेसी
छ ठुलो चाहना मेरो, आमालाई हसाउने
सर्वोच्च शिखरबाट, बिश्व शान्ति सुनाउने
यहि प्यारो मिट्रिका माथी, पौरखी बनी कन
पार्छु यो चाहना पूर्ण, गरि देह समर्पण
जहाँ छन् बुद्धका आँखा ,स्निग्ध शान्त र सुन्दर
त्यहाँ छ शान्तिको क्षेत्र, मेरो राष्ट्र मनोहर
प्राणभन्दा प्यारो लाग्छ, मेरो देश कता कता
छल्किन्छ ममता मेरो, भाव गंगा जता जता
A song by Bhakta Raj Acharya
No comments:
Post a Comment